مساء الخير
الى ربات البيوت ووزراء الماليه فى كل بيت مصرى تحياتى من الراديو بدون تردد دلوقتى تابعى جديدنا صوت وصوره فى كل مجالات الحياه
وخلينا نبدا بميزانيه 2017 لكل بيت مصرى تزامنا مع الاحوال الاقتصاديه الحاليه
الكلام ده لاسره مكونه من 4 افراد
اعملى ميزانيه لمصروفات البيت اليوميه يوم بيوم فطار وغدا وعشا اهو بحيث ترتاحى من التفكير بتاع كل يوم هناكل ايه ؟
المهم هاتى الورقه والقلم وكوباية الشاى بحليب وقولى باسم الله
بند اللحوم كفايه مره واحده لحمه 1\2 كيلو هيدلعنا اهو احسن من مفيش
الفراخ خليها 3 مرات واشكلها على كل لون واليو تيوب مخلاش
سمك صحى وجميل حلو خليه يومين
كده كام يوم عدوا؟ 5 ايام
اليومين الفاضلين دول
يوم اى حاجه ويوم بره صلة الرحم مهمه الايام دول بردوا ولا ايه؟
نيجى بقى للخضار كترى من التورلى اهو شوية بسله على جزره على بطتسايه حلوه كبيره بتنجانايا شوية فاصوليه على كوسايتين معلقة صلصه وميه ومرقه دجاج واعملى طاجن كبير يرمى معاكى
عدس كشرى مسقعه بيقولك النباتين دول سعداء صحيا انا هذودها شويه (صحيا وماديا)
بلاش بطاطس محمره مالها المسلوقه زودى عليها خيلر وطماطم وحتة جبنه واحلى عشا وفطار وتمشى سلطه كمان
الفول والطعميه ممكن يبقى فطار كل يوم او مره نتاخر شويه فى الفطار ويبقى فطار وغدا
اللبن البلدى يتصدر الالبان الاخرى اللى الله اعلم بيحطوا فيها ايه اهو 8 ج من 10 ج دلوقتى بتفرق
واعملى كوبايات زبادى صغيره انتى فى البيت المهم الكالسيوم
البيض بقى دخليه فى كيكه فى عجه ترمى معاكى فطار وعشا
كده تمام
الغسيل بقى بدا كوباية مسحوق حطى 1\2 وزودى عليها 1\4 خل سايب من السرجه الكيلو ب 4 ج ومعلقه كبيره كربوناتوا وغسيلك هيبقى فله وبرو الصابون ابشريه وزودى بيه باردوا مش هيقول لا
خل وكربوناته هيدلعلك البيت نظافه وتعقيم وممكن الكلور كمان
المهم يا عائلتى الكريمه نطلع من كده ان الحياه صعبه شويه اه ضيقه حبتين اه بس خلتنا نتعلم حاجات مهمه اوى
ان القرش الابيض ينفع فى اليوم الاسود واننا كعائله لازم يكون الاستهلاك بتاعنا محدود ومنظم
واننا ندور على الانتاج بقى
تطور حياتنا بدل ما احنا شعب اكيل نبقى شعب شغيل
وبدل ما احنا دوله استهلاكيه درجه اولى ودرجه مليون فى الانتاجيه حاجه تكسف
وبعدين تعالو هنا اللى بيسافر يشتغل بره بيكسب وبيشتغل طحن وبيفيد بلد مش بلده ودوروا بياكل ايه بقى ولا حاجه علشان يوفر ويرجع بلده يستثمر او يعمل مشروع طيب ؟
الحديث الشريف بتاع صوموا تصحوا هو علاج للجسم وللجيب وديتوكس طبيعى
ولا تنسوا كلمة الحمد والشكر لله تذيد من خيرات الدنيا والاخره
يارب ما كونش طولت عليكم ويكون كلامى فى الافاده وخلينا دايما على تواصل بمجرد اشتراكك على القناه وتعليقك برايك الكريم
اقعدوا بالعافيه ةوالهنا
تعليقات
إرسال تعليق
اخبارنا معاك ايه؟