365 يوم فى الغربه

الكلام بيبان من عنوانه

او بمعنى اصح الكلام بيبان من الوحده او من الظروف

يعنى كل حاجه بتمر علينا بتخلق فينا كاتب مغمور مستعد يكتب الف حكايه وحكايه

فما بالك لو كان الاحساس والظروف اللى بتمر بيها دى بيشاركك فيها ملايين الناس

تفتكر هيكفيها كام كتاب

ومن هنا كانت البدايه اللى هنكتب فيها الف حكايه وحكايه لكل تجربه مر بيها المتضررين من الاغتراب فى 365 يوم فى الغربه

نار الفراق لا تطفئها الاموال

اصعب لحظات ممكن تعيشها هى لحظات الفراق بتختلط المشاعر وتجد نفسك بين نارين تترك نفسك للبكاء ام تتماسك وتقوى نفسك علشان تصبر حبيبك فى غربته

تقوله اد ايه انته محتاجله وان الوحده صعبه والبعد عنه نار ولا تحاول تصبره وتقولو ايام وهتعدى وان شاء الله كله هيبقى تمام

وتفكره انكم مضطرين على البعد ده علشان تقدروا تستقووا ماديا وتحققوا احلامكم فى ظل الاوضاع والاسعار الحاليه

بس فى الحقيقه مهما كان العائد المادى لك وله

لا تستطيع ورقه منها ان تطفىء نار الفراق

احيانا نقبل الرحيل عندما لانجد فائده فى البقاء